မြန်မာနိုင်ငံတွင် လူဦးရေ ထောင်ဂဏန်းသာ ကျန်ရှိနေသော သက်လူမျိုးသည် ဘေးအန္တရာယ်ကြောင့် တစ်နေရာထဲတွင် စုစည်းခြင်းမရှိတော့ပဲ တဝိုက်ပြန့်ကျဲနေကြပြီး လူမျိုးတစ်ခုလုံး ပျောက်ကွယ်နိုင်သောအခြေအနေထိရောက်လာမည်ကို စိုးရိမ်နေကြသည်။ ယခင်အတည်နေရာများမှ ရန်ကုန်၊ ပဲခူး စသည်ဖြင့် ရွှေ့ပြောင်းနေထိုင်ကြရခြင်းနှင့်အတူ ယဉ်ကျေးမှု၊ စာပေဓလေ့များတည်တံ့ရေးအတွက် သက်အမျိုးသားနေ့ကို ထပ်မံကျင်းပရန် ကြိုးပမ်းနေကြသည်။
