ဗိုလ်လုပွဲမတက်နိုင်တဲ့အတွက် နာကျင်ရတယ်လို့ အင်တာမိုင်ယာမီနည်းပြမာရှေယာနို ပြော

အင်တာမိုင်ယာမီအသင်းဟာ ဗန်ကူးဗားအသင်းကို အရေးနိမ့်ကာ ကွန်ကာကပ်ဖ် ချန်ပီယံများ ဖလားပြိုင်ပွဲ ဆီမီးဖိုင်နယ်ကနေ ထွက်ခွာခဲ့ရပြီးနောက် နည်းပြမာရှေယာနိုက သူတို့ ဗိုလ်လုပွဲ မတက်နိုင်တဲ့အတွက် နာကျင်ရတယ်လို့ ပြောခဲ့ပါတယ်။ မာရှေယာနိုက “ကျနော်တို့ဟာ ဒီပြိုင်ပွဲမှာ ကောင်းမွန်စွာ လုပ်ဆောင်ခဲ့ပြီး အရင်က ကလပ်အသင်း တစ်ခါမှ မလုပ်ဖူးတဲ့ ဆီမီးဖိုင်နယ်ကို ရောက်ရှိခဲ့ပါတယ်။ ဒါပေမယ့် ကျနော်တို့ဟာ ဗိုလ်လုပွဲကို ရောက်ချင်တာကြောင့် နာကျင်ခဲ့ရပါတယ်။ ကျနော်တို့ဟာ အမှားလုပ်ခဲ့တာကြောင့် ပြိုင်ဘက်ရဲ့ အပြစ်ပေးခြင်းကို ခံခဲ့ရပါတယ်။ အခု အချိန်မှာ ကျနော်တို့ဟာ မေဂျာလိဂ်ပြိုင်ပွဲကို အာရုံစိုက်ရမှာဖြစ်ပြီး ကလပ်ကမ္ဘာ့ဖလားပြိုင်ပွဲအကြောင်းကို မတွေးပါဘူး”လို့ ပြောခဲ့တာပါ။