Vietnam Airlines ၂၀၃၅ အတွင်း လေယာဉ်အရေအတွက် တိုးချဲ့မည့် အစီအစဉ် ရှိနေ

လက်ရှိတွင် Vietnam Airlines သည် ကိုယ်ထည်အကျယ် ဂျက်လေယာဉ် အစင်း ၃၀ ကျော်အပါအဝင် လေယာဉ်အစင်းရေ ၁၀၀ ခန့် ဖြင့် ပျံသန်းပြေးဆွဲလျက်ရှိသည်။လေကြောင်းလိုင်းသည် ၂၀၃၅ ခုနှစ်မတိုင်ခင်တွင် ကိုယ်ထည်ကျယ် ၅၂ စင်းနှင့် ကိုယ်ထည်ကျဉ်းလေယာဉ် ၁၁၂ စင်း လိုအပ်မည်ဟု မျှော်မှန်းထားသည်။ ၂၀၂၄ ဘဏ္ဍာရေးအစီရင်ခံစာအရ လေကြောင်းလိုင်းသည် ဝင်ငွေ ကန်ဒေါ်လာ ၄.၃၇ ဘီလီယံကျော်ရရှိခဲ့ပြီး ခရီးသည် ၂၂.၇ သန်းနှင့် လေကြောင်းကုန်စည် ၃၁၄,၇၀၀ တန် ပို့ဆောင်ပေးခဲ့သည်။ လေယာဉ်အသုံးပြုနှုန်းသည် တစ်ရက်လျှင် ပျမ်းမျှ ၁၁ နာရီဖြစ်သည်။ လေကြောင်းလိုင်း၏ ခေတ်မီ လေယာဉ်စု ဖြစ်လာစေရေးအစီအစဉ်အရ ၂၀၂၃ ခုနှစ် စက်တင်ဘာလတွင် Boeing 737 MAX လေယာဉ်အသစ် အစီး ၅၀ ဝယ်ယူရန် သဘောတူစာချုပ် ချုပ်ဆိုခဲ့ပြီး အမှာစာ ပေးအပ်ခဲ့သည်။ ၎င်းလေယာဉ်များကို ၂၀၂၇ မှ ၂၀၃၀ ခုနှစ်အတွင်း ရရှိရန် မျှော်မှန်းထားသည်။