နခွန်နာယုတ်မြို့က မြန်မာရွှေ့ပြောင်းလုပ်သားတွေ အလုပ်လုပ်ကိုင်နေတဲ့ ဈေးမီးလောင်မှုဖြစ်ပွား

ထိုင်းနိုင်ငံ၊ နခွန်နာယုတ်မြို့၊ ဘန့်ယိုင်ရပ်ကွက်ရှိ မြန်မာရွှေ့ပြောင်းလုပ်သားတွေ အလုပ်လုပ်ကိုင်နေတဲ့ ဈေးမှာ ဧပြီလ ၃၀ ရက်ညပိုင်းက မီးလောင်မှုဖြစ်ပွားခဲ့တယ်လို့ သိရပါတယ်။မီးလောင်မှုဖြစ်ပွားနေချိန် ဈေးမှာနေထိုင်ကြတဲ့ မြန်မာအလုပ်သမားတွေဟာ အိပ်စက်နေရာကနေ ကစဉ်ကလျား ထွက်ပြေးလာကြတယ်လို့ ထိုင်းသတင်းတွေမှာ ဖော်ပြပါတယ်။ဒေသတွင်း မီးသတ်တပ်ဖွဲ့က အချိန်မီ ရောက်ရှိလာပြီး မီးငြှိမ်းသတ်ပေးခဲ့ပေမဲ့ မီးအားပြင်းတဲ့အတွက် အင်္ကျီ၊ ဖိနပ်၊ လွယ်အိတ် ရောင်းတဲ့ ဆိုင်ခန်း ၄/၅ ခန်းလောက် မီးလောင်ကျွမ်းသွားတယ်လို့ ဆိုပါတယ်။