အိန္ဒိယနှင့် ပါကစ္စတန် နှစ်နိုင်ငံအကြား တင်းမာမှုများကြောင့် ပါကစ္စတန်က အိန္ဒိယလေကြောင်းလိုင်းများ အားလုံးကို ပါကစ္စတန်လေပိုင်နက် အသုံးပြုခွင့် ပိတ်ပင်ထား

အိန္ဒိယနှင့် ပါကစ္စတန် နှစ်နိုင်ငံအကြား တင်းမာမှုများကြောင့် ပါကစ္စတန်က Air India, IndiGo, SpiceJet အပါအဝင် အိန္ဒိယလေကြောင်းလိုင်းများ အားလုံးကို ပါကစ္စတန်လေပိုင်နက် အသုံးပြုခွင့် ပိတ်ပင်ထားသည်။ အိန္ဒိယလေကြောင်းလိုင်းများသည် ယခင်က ဥရောပ၊ မြောက်အမေရိက၊ အရှေ့အလယ်ပိုင်းနှင့် အာရှအလယ်ပိုင်းနိုင်ငံ ခရီးစဉ်များ ပျံသန်းရန်အတွက် အိမ်နီးချင်း ပါကစ္စတန်ကိုဖြတ်၍ ပျံသန်းနိုင်ခဲ့သည်။ ယခုအခါ ပါကစ္စတန်ကို မဖြစ်မနေ ရှောင်ကွင်း၍ ပျံသန်းကြရသဖြင့် ခရီးတာ ပိုရှည်သွားသည့်အတွက်ကြောင့် ပျံသန်းချိန် ပိုကြာသည်။ အချို့ခရီးစဉ်များ ပျံသန်းရန် လောင်စာဆီ မ‌လုံလောက်သဖြင့် ဆီဖြည့်တင်းကြရသည်။