ဇမ်ဘီယာနိုင်ငံရှိ မြစ်တစင်းသည် တရုတ်တို့ လုပ်ကိုင်နေသည့် ကြေးနီသတ္တုတွင်းမှ အက်ဆစ်ဓာတ်ပါဝင်သော စွန့်ပစ်ပစ္စည်းများ ထုတ်လွှတ်မှုကြောင့် ညတွင်းချင်း တိမ်ကောသွားရသည်။ သဘာဝပတ်ဝန်းကျင် အကြီးအကျယ် ပျက်စီးရသည့် ယင်း ဖြစ်ရပ်သည် တရုတ် သတ္တုတွင်း ကုမ္ပဏီများ၏ ပေါ့လျော့မှုနှင့် အမြတ်ထုတ်မှု ပြဿနာများကို မီးမောင်းထိုးပြလိုက်ခြင်းပဲ ဖြစ်သည်။ သဘာဝပတ်ဝန်းကျင်ကို ဖျက်ဆီးနေခြင်း၊ အလုပ်သမားများ၏ ညံ့ဖျင်းဆိုးရွားသော အလုပ်လုပ်ကိုင်နေရသည့် အခြေအနေများနှင့် လုပ်ခလစာများ၊ ဌာနေ ယဉ်ကျေးမှုများကို လျစ်လျူရှုမှုများအတွက် တရုတ် မိုင်းတွင်း ကုမ္ပဏီများကို အပြစ်ဆိုလာကြတော့သည်။
