စစ်ကိုင်းတိုင်း၊ စစ်ကိုင်းတောင်ရိုးပေါ်ရှိ အပြည်ပြည်ဆိုင်ရာဗုဒ္ဓဘာသာပညာရေးစင်တာ (IBEC)ကျောင်းတိုက်၏ သုံးထပ်ဆောင် (၆)ဆောင်မှာလည်း ပျက်စီးမှုများဖြစ်ပေါ်ခဲ့သည်။ထို့ကြောင့် ထိခိုက်ပျက်စီးခဲ့သော အဆောက်အဦးများကို ရန်ကုန်အင်ဂျင်နီယာအဖွဲ့မှ ယနေ့ ဧပြီ ၃၀ ရက်နေ့လည်ပိုင်းတွင်လာရောက်ကြည့်ရှု စစ်ဆေးမှုများပြုလုပ်ပြီးနောက် (၂)ဆောင်အား အစိမ်းရောင်အဆင့်သတ်မှတ်၍ အသေးစားပြင်ဆင်ရန်၊ IBEC Headquarters Office များရှိသည့် ပင်မဆောင်ကြီးအပါအဝင် (၄)ဆောင်ကို အဝါရောင်အဆင့်သတ်မှတ်ပြီး အကြီးစားပြင်ဆင်ရန် ပဏာမအကြံပြုခဲ့ကြသည်။
