မလေးရှားအစိုးရသည် ကြက်ဥများအတွက် ထောက်ပံ့ကြေးများကို ဖျက်သိမ်းမည်

မလေးရှားအစိုးရသည် ကြက်ဥများအတွက် ဈေးနှုန်းထိန်းချုပ်မှုနှင့် အစိုးရထောက်ပံ့ကြေးများကို ဖျက်သိမ်းရန် ဆုံးဖြတ်ကြောင်း ကြေညာခဲ့သည်။ ကြက်ဥလုပ်ငန်းကြီး CCK Consolidated Holdings Bhd သည် အစိုးရ သတ်မှတ်ဈေးဖြင့် ကြက်ဥကို အရှုံးခံ ရောင်းချပေးရခြင်းအတွက် အစိုးရထံမှ ထောက်ပံ့ကြေး နှစ်စဉ် ရင်းဂစ် ၅ သန်း ရရှိသည်။ ရင်းဂစ် ၅ သန်းသည် ကုမ္ပဏီ တနှစ်တာဝင်ငွေ၏ ၀.၅% သာ ရှိသည်။ ယခုအခါ ဈေးနှုန်းထိန်းချုပ်မှု မရှိတော့သဖြင့် ကြက်စာဖိုး အပါအဝင် ထုတ်လုပ်မှု ကုန်ကျစရိတ်များအရ ကြက်ဥကို ဈေးနှုန်းသတ်မှတ်ပြီး ရောင်းချခွင့် ရရှိပြီ ဖြစ်သည်။ စားသုံးသူတို့အနေဖြင့် ကြက်ဥကို ဈေးပိုပေးကြရမည် ဖြစ်သည်။