ယခုလပိုင်းအတွင်း နေပြည်တော် နယ်မြေအတွင်းရှိ မြို့နယ်များတွင် အိမ်ငှားခများမြင့်တက် လာကြောင်း ဒေသအခြေစိုက် အိမ်ခြံမြေဝန်ဆောင်မှုလုပ်ကိုင်သူများနှင့် အိမ်ငှားရမ်းသူများကြားမှ သိရသည်။အဆိုပါဒေသတွင် မြေငလျင်လှုပ်ခတ်ပြီးနောက် အိမ်အငှားစျေးကွက်မှာ သိသာစွာသွက်လက်လာခဲ့ပြီး သွားလာရ လွယ်ကူသော နေရာများသာမက အနည်းငယ်အလှမ်းဝေးကာ ချောင်ကျသည့်နေရာများလည်း ငှားရမ်းသူများရှိလာခဲ့သည်။ငှားရမ်းခမှာ ခြောက်လ သို့မဟုတ် တစ်နှစ်အပြတ် စာချုပ်၍ငှားရမ်းခြင်းများရှိပြီး အကျိုးဆောင်ခမှာ တစ်လစာ သတ်မှတ်ထားကြောင်းလည်း ဆက်လက်သိရသည်။
