ဧပြီ ၃၀ ရက် ရန်ကုန်မြို့ ရပ်ကွက်ဈေးများတွင် ရာသီပေါ် သရက်သီးစိမ်း တစ်လုံး ၈၀၀ ကျပ်မှလည်းကောင်း၊ သရက်သီးမှည့် တစ်လုံး ၅၀၀ ကျပ်မှ စတင်၍ စိန်တစ်လုံးမှည့် တစ်လုံး ၁၅၀၀-၁၆၀၀ ကျပ်၊ ရင်ကွဲနှင့် မချစ်စုမှည့် တစ်လုံး ၁၀၀၀-၁၂၀၀ ကျပ်အထိ ဈေးအမျိုးမျိုးဖြင့် ပေါပေါများများ တွေ့ရှိရသည်။ အခြား အသီးအနှံများဖြစ်သော သင်္ဘောသီး၊ သခွားမွှေး၊ ဖရဲသီးတို့မှာ ဈေးနှုန်းပုံမှန်ဖြစ်ပြီး၊ ပျားလိမ္မော်၊ ဗောက်သီးနှင့် ငှက်ပျောသီးအချို့မှာ ဈေးအနည်းငယ် တက်လာသည်ကို တွေ့ရသည်။ ကြက်မောက်၊ မင်းကွတ်၊ ရှောက်ချို၊ စပျစ်၊ ဆန်းကစ်၊ နဂါးမောက်နှင့် ပန်းသီးတို့မှာ ဈေးမြင့်မြင့်တွင် ရှိနေကြောင်း သိရသည်။
