Toyota bZ7 သည် ဟွာဝေး၏ ယာဉ်မောင်းနေရာအတွက် HarmonyOS စနစ်ဖြင့် ပထမဆုံး ထုတ်လုပ်သည့် ကားမော်ဒယ် ဖြစ်သည်။GAC-Toyota ဖက်စပ်လုပ်ငန်းမှ ထုတ်လုပ်သည်။ယခုနှစ် နှစ်ကုန်ပိုင်းတွင် စတင်ရောင်းချမည်။အဆင့်မြင့် ယာဉ်မောင်းထောက်ကူစနစ် advanced driving assistance system (ADAS) အတွက် အမိုးတွင် lidar တခုပါသည်။အသေးစိတ် အချက်အလက်များ တရားဝင် ထုတ်ပြန်ခြင်း မပြုသေးပါ။GAC-Toyota ဖက်စပ်လုပ်ငန်းသည် ပြီးခဲ့သည့် မတ်လတွင် ၆၆,၀၆၆ စီး ရောင်းချခဲ့သည်။ ယခုနှစ် ၂၀၂၅ ပထမ၃လတွင် ၁၇၁,၄၇၇ စီး ရောင်းချခဲ့သည်။ လက်ရှိတွင် bZ စီးရီးမှ bZ3X နှင့် bZ4X တို့ကို တရုတ်ဈေးကွက်တွင် ရောင်းချလျက် ရှိသည်။
