ရှမ်းပြည်နယ်(အရှေ့ပိုင်း) တာချီလိတ်မြို့နယ်အတွင်း မိုးသက်လေပြင်း တိုက်ခတ်မှုကြောင့် မိုင်းဖုန်း(က)ကျေးရွာအုပ်စု နှင့် မိုင်းကိုးကျေးရွာအုပ်စုအကြားရှိ ဟွေလန်းတောင်တန်းသာသနာပြု ဘုန်းတော်ကြီးသင် ပညာရေးကျောင်းတွင် စာသင်ဆောင်များ ထိခိုက် ပျက်စီးသွား၍ အကူအညီများ လိုအပ်နေကြောင်း သိရသည်။မိုးသက်လေပြင်း တိုက်ခတ်မှုကြောင့် စာသင်ဆောင် (၂)ဆောင် နှင့် ဆရာ၊ဆရာမနားနေဆောင် (၁)ဆောင် အပါအဝင် မီးဖိုဆောင် နှင့် သစ်ပင်ကြီးများ ထိခိုက် ပျက်စီးခဲ့ရကြောင်း သိရသည်။
