ငလျင်ဒဏ်သင့်ဒေသများသို့ ကူညီထောက်ပံ့ရန် တရုတ်နိုင်ငံမှ ဓာတ်ဆီ၊ ဒီဇယ်ဆီ တန်ချိန်ငါးသောင်း ကူညီထောက်ပံ့မည်ဖြစ်ကြောင်း သိရသည်။ ဧပြီ (၂၆) ရက်တွင် ပြုလုပ်ခဲ့သည့် အမျိုးသားသဘာဝဘေး အန္တရာယ်ဆိုင်ရာ စီမံခန့်ခွဲမှုကော်မတီ (၃/၂၀၂၅) အစည်းအဝေးမှ သိရသည်။ တရုတ်နိုင်ငံမှ ကူညီထောက်ပံ့သည့် စက်သုံးဆီ (ဓာတ်ဆီ၊ ဒီဇယ်ဆီ) တန်ချိန် (၅)သောင်းသည် မကြာမီ ရောက်ရှိလာမည်ဖြစ်ပြီး ရောက်ရှိပါက ဖြန့်ခွဲအသုံးပြုမည့် လျာထားချက်ကိုလည်း စွမ်းအင်ဝန်ကြီးဌာနက ကြိုတင် တင်ပြရန် ညွှန်ကြားထားသည်။
