နေပြည်တော် ဗလသိဒ္ဓိရပ်ကွက် တိုက်ပြိုကျမှုနေရာမှ ရွှေဆွဲကြိုးနှင့် လက်ဝတ်ရတနာများ ပြန်လည်ပေးအပ်

နေပြည်တော်ကောင်စီနယ်မြေ ဇမ္ဗူသီရိမြို့နယ်၊ ဗလသိဒ္ဓိရပ်ကွက် တိုက်အမှတ် ၂၃၅၁ အဆောက်အဦး ပြိုကျပျက်မှုနေရာတွင် ၂၀၂၅ ခုနှစ် ဧပြီ ၂၈ ရက်နေ့ ဧရာဝတီတိုင်းဒေသကြီး ရှာဖွေကယ်ဆယ်ရေးတပ်ဖွဲ့ဝင်များက ရှင်းလင်းရေးလုပ်ငန်းများဆောင်ရွက်စဉ် အခန်းအမှတ် (၀၁)မှ ရွှေဆွဲကြိုး၊ လက်ကောက် (၂)ကွင်း၊ လက်ဝတ်ရတနာများ၊ အသုံးအဆောင်များနှင့် အရေးကြီးစာရွက်စာတမ်းများကို ရှာဖွေတွေ့ရှိပြီး ပိုင်ရှင်ထံသို့ တရားဝင်လွှဲပြောင်းပေးအပ်ခဲ့ကြောင်း သိရသည်။