မန္တလေးတွင် နောက်ဆက်တွဲ ငလျင်တစ်ကြိမ်ထပ်မံ လှုပ်ခတ်

ပြီးခဲ့သည့် မတ်လ(၂၈)ရက်က လှုပ်ခတ်ခဲ့သည့် ၇.၇ အင်အားပြင်း ငလျင်လှုပ်ခတ်အပြီး တစ်လနီးပါးအကြာ ယမန်နေ့ မတ်လ(၂၇)ရက် ည (၁၀)ကျော်အချိန်က အင်အားမဂ္ဂနီကျူ ၄.၄ အဆင့်ရှိ နောက်ဆက်တွဲငလျင်တစ်ခု မန္တလေးမြို့တွင် ထပ်မံလှုပ်ခတ်ခဲ့သည်။ အဆိုပါ ငလျင်လှုပ်ခတ်မှုအတွက် မန္တလေးဒေသခံတစ်မြို့လုံးနီးပါး လမ်းပေါ်သို့ပြေးထွက်ခဲ့ရကြောင်းနှင့် ယင်းငလျင်လှုပ်ခတ်မှုသည် အင်အားပြင်းထန်ပြီး အိမ်တွင်းပစ္စည်းအချို့ ယမ်းခါသွားသည်အထိ ဖြစ်ပွားခဲ့သည်ဟု မန္တလေးဒေသခံသတင်းရင်းမြစ်တစ်ဦးက ပြောသည်။