ကိုက်ခံရသော တောကြီးမြွေဟောက်ကို လက်ဗလာဖြင့် ဖမ်းဆီးပြီး ဆေးရုံယူဆောင်လာနိုင်သူ ထိုင်းအမျိုးသမီး ရှင်သန်နိုင်ခဲ့

ဧပြီ ၁၉ ရက်နေ့က ထိုင်းနိုင်ငံ၊ ဆာခေးရိုခရိုင်၊ ကောက်ပိခွန်ခရိုင်ခွဲ၊ နောင်ခိုင်ဟန်အရပ်မှ အသက် ၄၇ နှစ် အရွယ် ထိုင်းအမျိုးသမီး ဆူပင်ဝမ်ပန်းသည် ဆွေမျိုးတစ်သိုက်နှင့် မှိုလိုက်နှုတ်ချိန် တောကြီးမြွေဟောက် (King Cobra) ကိုက်ခံရသော်လည်း သတိမလစ်ဘဲ မြွေကို လက်ဗလာဖြင့် အရဖမ်းဆီးသတ်ဖြတ်ကာ ဆေးရုံသို့ သယ်ဆောင်လာနိုင်ခဲ့ပြီး အသက်ဘေးမှ လွတ်မြောက်သွားနိုင်ခဲ့သည်။ တောကြီးမြွေဟောက်သည် ၃ မီတာရှည်လျားပြီး ဆူပင်ဝမ်ပန်း၏ ဘယ်ဘက်ခြေထောက်ကို ဆက်တိုက် ကိုက်ခဲ့ရာ ဆူပင်သည် ဆွေမျိုးများကို မခေါ်မီ မြွေလည်ပင်းနေရာအား တက်နင်းပြီး ဖမ်းဆီးပြီးမှ ရိုက်သတ်ကာ ဆေးရုံသို့ မြွေအားအရသယ်ဆောင်နိုင်ခဲ့သည်။