ရန်ကုန်တိုင်း၊မင်္ဂလာဒုံမြို့နယ်တွင် ငွေကျပ်သိန်း ၃,၅၀၀ တန်ဖိုးရှိ စိတ်ကြွရူးသွပ်ဆေးပြားများ ဖမ်းဆီးရမိ

ဧပြီလ ၂၃ ရက်နေ့ ၁၃နာရီ၀၀ အချိန် မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် သတင်းအရ သက်သေများနှင့်အတူ မင်္ဂလာဒုံမြို့နယ်၊ သင်္ဃန်းကျွန်းကျေးရွာအနီးတွင် သက်နိုင်(ခ)ကိုငှက် မောင်းနှင်ပြီး ကျော်ခိုင်လင်း(ခ)မိုးဒီ လိုက်ပါလာသည့် HARRIER အမျိုးအစား မော်တော်ယာဉ်အား ရပ်တန့်စစ်ဆေး ရှာဖွေရာ ယာဉ်ပေါ်မှ စိတ်ကြွရူးသွပ်ဆေးပြား ၃၅၀,၀၀၀ ပြား(ဒေသကာလပေါက်ဈေးတန်ဖိုးငွေကျပ်သိန်း ၃,၅၀၀)နှင့် လက်ကိုင်ဖုန်း ၂ လုံးတို့အား တွေ့ရှိသိမ်းဆည်းရမိခဲ့ပြီး စိတ်ကြွရူးသွပ်ဆေးပြားများအား ရေတာရှည်မြို့နယ်၊ ရေနီကျေးရွာမှ ရန်ကုန်သို့သယ်ဆောင် ခဲ့သည့် CANTER ISUZU ၆ ဘီးမော်တော်ယာဉ်အား မင်္ဂလာဒုံမြို့နယ်၊ ချစ်တီးကုန်းရပ်ကွက်တွင် လည်းကောင်း၊ စစ်ဆေးဖော်ထုတ်ချက်အရ ဧပြီလ ၂၄ ရက်နေ့ ၁၈နာရီ၃၀ မိနစ်အချိန်တွင် စိတ်ကြွရူးသွပ်ဆေးပြားများ သယ်ဆောင်ခိုင်းသူ နေလင်းထွန်း အား ရန်ကုန်-မန္တလေး အမြန်လမ်း(၁၅၈)မိုင် စစ်ဆေးရေးဂိတ်တွင် လက်ကိုင်ဖုန်း ၄ လုံးနှင့် မြန်မာငွေကျပ် ၁၅ သိန်းတို့အား လည်းကောင်း ထပ်မံဖမ်းဆီးရမိခဲ့သဖြင့် သက်နိုင်(ခ)ကိုငှက်(၅၅)နှစ်၊ ကျော်ခိုင်လင်း (ခ)မိုးဒီ(၃၃)နှစ် နှင့် နေလင်းထွန်း(၄၈)နှစ်တို့အား မင်္ဂလာဒုံမြို့မရဲစခန်းတွင် မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အမှုဖွင့် အရေးယူထားရှိပြီး ကွင်းဆက်များဖော်ထုတ်များ ဖော်ထုတ်လျက်ရှိပါတယ်။