မြန်မာ ဘောလုံးအကယ်ဒမီ ကျောင်းသားသစ် ရွေးချယ်ပွဲ(ရန်ကုန်ဇုန်)တွင် လူငယ် ၃၀၀ ကျော် လာရောက်ရွေးချယ်ခံခဲ့

ရန်ကုန်နှင့် မန္တလေးရှိ မြန်မာ အမျိုးသား ဘောလုံးအကယ်ဒမီများ၏ ၂၀၂၅-၂၆ ပညာသင်နှစ် အတွက် ပဏာမ အဆင့် ကစားသမား ရွေးချယ်ခြင်း (ရန်ကုန်)အား ယနေ့ ဧပြီလ ၂၆ ရက်က လေ့ကျင့်ကွင်း (၁)တွင် ပြုလုပ်ခဲ့ရာ ကစားသမား ၃၀၀ ကျော် လာရောက်ရွေးချယ်ခံယူခဲ့သလိုအဆိုပါ ရွေးချယ်ခြင်း အစီအစဉ်အား မြန်မာနိုင်ငံ ဘောလုံး အဖွဲ့ချုပ်၏ နည်းစနစ်ဒါရိုက်တာ ဂျပန်နိုင်ငံသား မစ္စတာ မိတမှ ဦးစီးဆောင်ရွက်ခဲ့ပြီး လာမည့်ရက်များတွင်လည်း အခြားမြို့ကြီးများ၌ ဆက်လက် ပြုလုပ်သွားမှာဖြစ်ပါတယ်။