အင်းလေးဒေသ ကျေးရွာ(၃)ရွာဖြစ်သည့် ရှေ့ဝကြီး၊ အိုင်ထောင့်ကြီး၊ မြွေပွေး (အထက်ရွာ)များရှိ စာသင်ကျောင်းအပါအဝင် ဆရာများနေအိမ်၊ဘုန်းကြီးကျောင်းများ ပြန်လည်ထူထောင်ရေးအတွက် ကမ္ဘောဇဘဏ်က အလှူငွေများပေးအပ်ခဲ့ကြောင်းသိရပါတယ်။ထိုသို့ ပေးအပ်လှူဒါန်းရာ၌ အိုင်ထောင့်ကြီးကျေးရွာ အခြေခံပညာ အထက်တန်းကျောင်းခွဲ ကျောင်းအသစ်ဆောက်ရန် ကျပ်ငွေ သိန်း(၈၀၀) နှင့် ဆရာများ နေအိမ်ပြုပြင်ရန် ငွေသိန်း(၁၀၀) ကိုလည်းကောင်း ၊ အိုင်ထောင့်ကြီး ကျေးရွာ ရွာသစ်ဘုန်းတော်ကြီးကျောင်းပြန်လည်ပြုပြင်ရန် ငွေကျပ် သိန်း(၃၀၀) ကိုလည်းကောင်း ၊ ရှေ့ဝကြီး(အင်းဦးပထမကျောင်း) ဘုန်းတော်ကြီးကျောင်း ပြုပြင်ရန် ကျပ်ငွေသိန်း(၃၀၀) ကိုလည်း ကောင်းပေးအပ်လှူဒါန်းခဲ့သလို ငလျင်ဘေးဒဏ်သင့် ပြည်သူများအတွက် စားနပ်ရိက္ခာနှင့် အရေးပေါ်သုံးထောက်ပံ့ပစ္စည်းများ ၊ လိုအပ်သည်များ ထောက်ပံ့လှူဒါန်းခဲ့ပါသေးတယ်။
