ရှမ်းတောင် ကလောမြို့နယ်ထဲက ကျေးရွာတချို့မှာ ငလျင်ကြောင့် နေအိမ် ၂၀၀ ကျော် ပျက်စီးခဲ့ပြီး အကူအညီတွေ လိုအပ်နေတယ်လို့ ဒေသခံတွေက ပြောပါတယ်။နေအိမ်ထိခိုက်ပျက်စီးသွားတဲ့ ဒေသခံတွေဟာ နီးစပ်ရာ ဘုန်းကြီးကျောင်းတွေမှာ သွားရောက်ခိုလုံနေကြရပြီး အကူအညီတွေ လိုအပ်နေတယ်လို့ ပြောပါတယ်။ငလျင်ကြောင့် တစ်နိုင်ငံလုံးအတိုင်းအတာအနေနဲ့ သေဆုံးသူ ၁၇၀၀ ကျော်နဲ့ ဒဏ်ရာရသူ ၃၄၀၀ ကျော်ရှိတယ်လို့ မနေ့ မတ်လ ၃၀ ရက်အထိ စာရင်းအရ သိရပါတယ်။
