ယနေ့ မတ်လ ၂၈ ရက်နေ့တွင် စစ်ကိုင်းတိုင်းကို ဗဟိုပြု၍ လှုပ်ခဲ့သော အင်အားပြင်း မြေငလျင်ကြောင့် နေပြည်တော် ပေါင်းလောင်းဆည် ထိခိုက်မှုရှိခဲ့ကြောင်း၊ ဆည်တာတမံ နံရံများ၊ မြေသားနံရံကြီးများ ကွဲအက်ခြင်းများ ၊ ထိခိုက်ပျက်စီးမှုများရှိကြောင်း သိရှိရသည်။ပေါင်းလောင်းဆည်နှင့် စစ်တောင်းမြစ်တစ်လျှောက်ရှိ နေပြည်တော်၊ ပျဥ်းမနား၊ ရေနီ ၊ ရေတာရှည်၊ တောင်ငူနှင့် ပဲခူးမှ မြို့များအနေဖြင့်လည်း ထိခိုက်မှုရှိထားသော ပေါင်းလောင်းဆည်အခြေအနေကြောင့် ရေဘေးအခြေအနေကို သတိထားရန် လိုအပ်နေကြောင်း သက်ဆိုင်ရာ ဆည်မြောင်းသတင်းရင်းမြစ်က အကြံပြုတိုက်တွန်းသည်။
