ညောင်ရွှေမှ ကုန်းလမ်းရေလမ်း ပိတ်ထားခြင်းကြောင့် စစ်ဘေးရှောင်များ နေရပ်မပြန်နိုင်သေး

ရှမ်းပြည် ညောင်ရွှေမြို့နယ် စံကားမြို့တွင် လမ်းများ ပိတ်ဆို့ထားခြင်းကြောင့် ကျန်ရှိနေသည့် စစ်ဘေးရှောင် ၆၀၀ ကျော်သည် နေရပ်မပြန်နိုင်သေးကြောင်း သတင်းရရှိသည်၊၊လက်ရှိတွင် စစ်ဘေးရှောင်များသည် နီးစပ်ရာ ဆွေမျိုးများ၊ ပြောင်းပွဲရုံနှင့် ဘုန်းကြီးကျောင်းတို့တွင် ထွက်ပြေး တိမ်းရှောင်နေရသည့်အတွက် နေရာထိုင်ခင်းအပြင်၊ စားသောက်ရန် အခက်အခဲများ ကြုံတွေ့နေရကြောင်း သိရပါသည်။တိုက်ပွဲကြောင့် ထွက်ပြေးတိမ်းရှောင်နေရသော ဒေသခံများမှာ ဘုရားတောင်၊ လွယ်နွဲ့၊ ရေပူ၊ ညောင်လေးပင်၊ နန်းတုတ်၊ ကုန်းသာ၊ အိမ်မူ၊ တောင်ပို့ကွဲ၊ ဟိုပန် စသည့် ကျေးရွာဒေသခံများဖြစ်ပြီး လူဦးရေ (၃) ထောင်ကျော် ထွက်ပြေး တိမ်းရှောင်နေရကြောင်း သိရသည်။