ယိုကယ်ရက်စ်နှင့် မာတေတာတို့ထက် အင်္ဂလန်ဝါရင့်တိုက်စစ်မှူး ဟာရီကိန်းကိုသာ မန်ယူအသင်း ခေါ်ယူရန် ကြိုးစားသင့်ကြောင်း ဆာဟာ ပြောကြား

မန်ယူတိုက်စစ်မှူးဟောင်း ဆာဟာက အသင်းဟောင်းအနေဖြင့် စပို့တင်းလစ္စဘွန်းတိုက်စစ်မှူး ယိုကယ်ရက်စ်နှင့် ခရစ္စတယ်ပဲလေ့စ်တိုက်စစ်မှူး မာတေတာတို့ထက် အင်္ဂလန်ဝါရင့်တိုက်စစ်မှူး ဟာရီကိန်းကိုသာ ခေါ်ယူရန် ကြိုးစားသင့်ကြောင်းပြောကြားခဲ့သည်။ မန်ယူအသင်းသည် ကမ္ဘာ့ထိပ်တန်းအဆင့်တိုက်စစ်မှူးတစ်ဦးအား ခေါ်ယူရန် ကာလရှည်ကြိုးပမ်းနေသော်လည်း လက်ရှိအချိန်ထိ ခေါ်ယူနိုင်ခြင်း မရှိသေးပေ။ မန်ယူအသင်းသည် အင်္ဂလန်လက်ရွေးစင်တိုက်စစ်မှူး ဟာရီကိန်းအား ခေါ်ယူရန် အကြိမ်ကြိမ်ကြိုးပမ်းခဲ့သော်လည်း မအောင်မြင်ခဲ့ဘဲ ဟာရီကိန်းသည် ၂၀၂၃ နွေရာသီတွင် ဂျာမန်ထိပ်သီး ဘိုင်ယန်မြူးနစ်အသင်းထံသို့ ပြောင်းရွှေ့သွားခဲ့သည်။