ဂါဇာ ကမ်းမြောင်ဒေသမှာ အစ္စရေးက စစ်ရေးတစ်ကျော့ပြန် စတင်ခဲ့တာကြောင့် အဲဒီဒေသအပေါ် လူသားချင်း စာနာမှုအကူအညီတွေ အလုံးစုံ ဖြတ်တောက်ခံရတဲ့အတွက် မိမိဝန်ထမ်းအင်အားနဲ့ လှုပ်ရှားမှုတွေကို မဖြစ်မနေ လျှော့ချလိုက်ရတယ်လို့ ကုလသမဂ္ဂ အထွေထွေအတွင်းရေးမှူးချုပ် အန်တိုနီယိုဂူတာရက်စ်က မတ်လ ၂၄ ရက်က ပြောကြားထားပါတယ်။ မိမိတို့အနေနဲ့ ဂါဇာမှာ ကုလသမဂ္ဂဝန်ထမ်းလှုပ်ရှားမှုတွေကို လျှော့ချသွားဖို့ ဆုံးဖြတ်ခဲ့ပေမယ့် ဂါဇာဒေသကို ကျောခိုင်းစွန့်ခွာသွားမှာမဟုတ်ဘဲ လူသားချင်းစာနာမှုအကူအညီ ဆက်လက်ထောက်ပံ့ပေးနိုင်ဖို့ ကြိုးစားသွား မယ်လို့လည်း ဂူတာရက်စ်က ကတိပြုပြောကြားခဲ့ပါတယ်။
