ရှမ်းပြည်နယ်တောင်ပိုင်းတွင် ချိန်ခါမဟုတ် မိုးရွာခြင်းကြောင့် စတော်ဘယ်ရီသီးများ လွင့်ပစ်ရကြောင်း စိုက်ပျိုးတောင်သူများထံမှ သိရသည်။စတော်ဘယ်ရီသီးများသည် မိုးရွာသွန်းချိန် အသီးပျက်စီးခြင်း ၊ အသီးပိုးဖောက်ဝင်ရောက်ခြင်းကြောင့် အသီးများကို သန့်ရှင်း၍ ရောင်းချရကြောင်း ၊ အလေအလွင့်များပြီး လွင့်ပစ်ရကြောင်း စိုက်ပျိုး တောင်သူကဆိုသည်။ထိုသို့ စတော်ဘယ်ရီသီးများကို ရွေးချယ်သန့်ရှင်းကာ ရောင်းချခြင်း အသီးများ လွင့်ပစ်ရခြင်းသည် ပုံမှန် ဖြစ်ပြီး အလေအလွင့်များကြောင်း ၊ ရာသီဥတုကြောင့်လည်းများစွာ ပျက်စီးမှုရှိကြောင်း တောင်သူများ က ဆိုသည်။ယခုနှစ်တွင် စတော်ဘယ်ရီသီးစျေးကောင်းရသဖြင့် စိုက်သူ ပိုများလာပြီး ၊ ပေါ်ဦးစ ရာသီတွင် စျေးကောင်း ရရှိ၍ တောင်သူများ အဆင်ပြေကြောင်း သိရသည်။
