ဆိုးလ်မြို့တွင် မြေကျွံချိုင့်ထဲ ပြုတ်ကျသူအလောင်း ရှာတွေ့

တောင်ကိုရီးယားနိုင်ငံ၊ ဆိုးလ်မြို့တော်က ကားလမ်းတစ်ခုမှာ ရုတ်တရက် ဖြစ်ပေါ်လာတဲ့ မြေကျွံချိုင့်ဝှမ်းထဲ ပြုတ်ကျသွားတဲ့ အမျိုးသား ရုပ်အလောင်းကို သေဆုံးလျက် ရှာတွေ့ခဲ့ပါတယ်။ မတ်လ ၂၄ ရက် ညနေပိုင်းတုန်းက အဲဒီအမျိုးသားဟာ ကန်ဒေါင်ရပ်ကွက်မှာ မော်တော်ဆိုင်ကယ် စီးလာနေရင်း ရုတ်တရက် မြေကျွံကျတာနဲ့ ကြုံပြီး ချိုင့်ခွက်ကြီးထဲ ပြုတ်ကျသွားခဲ့တာ ဖြစ်ပါတယ်။ သူ့ကို ရှာတွေ့ဖို့ ကယ်ဆယ်ရေးအဖွဲ့တွေက နာရီပေါင်း အတော်ကြာ အပူတပြင်း အားထုတ်ခဲ့ရပြီးတဲ့နောက် မတ်လ ၂၅ ရက်မှာ အလောင်းကို တွေ့ရှိခဲ့တာပါ။