မတ် ၂၄ ရက်နေ့တွင် နေပြည်တော်ရှိ ကျန်းမာရေးဝန်ကြီးဌာန၌ ကမ္ဘာ့တီဘီရောဂါတိုက်ဖျက်ရေးနေ့ အထိမ်းအမှတ်အခမ်းအနားကို ကျင်းပခဲ့သည်။ ပြည်ထောင်စုဝန်ကြီးက ၂၀၅၀ ခုနှစ်တွင် မြန်မာနိုင်ငံမှ တီဘီရောဂါကို သုညအထိ လျှော့ချရန် ရည်မှန်းထားကြောင်း ပြောကြားခဲ့သည်။ ၂၀၂၄-၂၀၂၅ ဘဏ္ဍာရေးနှစ်တွင် ကျပ် ၁၅ ဒသမ ၅ ဘီလီယံ ကို တီဘီရောဂါ ကာကွယ်ကုသရေးအတွက် ခွဲဝေချထားပြီး ကျောင်းအခြေပြု တီဘီရှာဖွေရေးလုပ်ငန်း နှင့် ကလေးများအတွက် တီဘီကာကွယ်ဆေးတိုက်ကျွေးမှု ဆောင်ရွက်လျက်ရှိကြောင်း သိရသည်။ ထို့ပြင် ပုဂ္ဂလိကဆေးရုံ/ဆေးခန်းများပါဝင်မှု တိုးမြှင့်ရန် အဆင့်မြင့်စက်ပစ္စည်းများ အသုံးပြု သွားမည်ဖြစ်ကြောင်း ကြေညာခဲ့သည်။ ၂၀၂၅ ခုနှစ်၏ ဆောင်ပုဒ် “တီဘီရောဂါပပျောက်ဖို့၊ ကတိပြုရင်းနှီးမြှုပ်နှံလို့၊ အားလုံးပါဝင်ဆောင်ရွက်စို့” အတိုင်း လူတိုင်း တီဘီကာကွယ်ကုသရေးဝန်ဆောင်မှုများ လက်လှမ်းမီနိုင်ရန် လက်တွဲဆောင်ရွက်ကြရန် တိုက်တွန်းခဲ့သည်။
