ထားဝယ်မြို့ပေါ်တွင် ယနေ့(မတ် ၂၃) တစ်ရက်တည်း မီးလောင်မှု နှစ်ကြိမ်ဖြစ်ပွားခဲ့ကြောင်း မြို့ခံများထံမှသိရသည်။ယနေ့ ညနေ ၃ နာရီဝန်းကျင်ခန့်တွင် ထားဝယ်မြို့ ဆင်ဆိပ်ရပ်ကွက်၊ ကျောင်းသစ်လမ်းတွင် မီးလောင်မှုကြောင့် လူနေအိမ်တစ်ဆောင် မီးလောင်ပျက်စီးခဲ့ကြောင်း မြို့ခံအမျိုးသားတစ်ဦးက ပြောသည်။ယင်းအပြင် ယနေ့ နံနက်ပိုင်းတွင်လည်း ထားဝယ်မြို့ ကြက်စားပြင်ရပ်ကွက်ရှိ အောင်တံခွန် ငါးဈေးအနီး ထားဝယ်မြစ်ထဲ ရပ်နားထားသည့် ဆီတင်သင်္ဘော မီးလောင်မှုဖြစ်ခဲ့ကြောင်း မြို့ခံများကပြောသည်။
