လူမှုဝန်ထမ်းကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန စစ်ကိုင်းတိုင်းဒေသကြီး လူမှုဝန်ထမ်း ဦးစီးဌာန၏ အနီးကပ်ကြီးကြပ်မှုဖြင့် မုံရွာမြို့ နန္ဒဝန်မူလတန်းကြိုကျောင်း၏ ၂၀၂၄ - ၂၀၂၅ ပညာသင်နှစ် ကျောင်းဆင်းလက်မှတ်ပေးအပ်ပွဲနှင့် ပဒေသာကပွဲအခမ်းအနားကို ယနေ့ နံနက်(၈)နာရီက စစ်ကိုင်းတိုင်းဒေသကြီး လူမှုဝန်ထမ်းဦးစီးဌာနရုံးတွင် ပြုလုပ်ခဲ့သည်။အဆိုပါကျောင်းဆင်းပွဲအခမ်းအနားသို့ ဌာနဆိုင်ရာအကြီးအကဲများ၊ နန္ဒဝန်မူလတန်းကြိုကျောင်းမှ ကျောင်းအုပ် ဆရာမကြီးနှင့် ဆရာမများ၊ မူကြိုသားငယ်၊ သမီးငယ်လေးများနှင့် အုပ်ထိန်းသူမိဘများ တက်ရောက်ခဲ့ကြောင်း သိရသည်။
