နီပေါဝန်ကြီးချုပ်ဟောင်းနှင့်အဖွဲ့ ပုဂံရှေးဟောင်းယဉ်ကျေးမှုနယ်မြေအတွင်း ဘုရားများဖူးမြော်ကြည်ညို

နီပေါနိုင်ငံ ဝန်ကြီးချုပ်ဟောင်းနှင့်အဖွဲ့သည် ၂၀၂၅ ခုနှစ် အလွန် ဗဟုဝင်ရိုးကမ္ဘာတွင် မြန်မာနိုင်ငံ ကြုံတွေ့လာရမည့် စိန်ခေါ်မှုများနှင့် အခွင့်အလမ်းများ သုံးသပ်ဆွေးနွေးပွဲ တက်ရောက်ပြီးနောက် ပုဂံ-ညောင်ဦးသို့ ရောက်ရှိကာ ရွှေစည်းခုံစေတီ၊ အာနန္ဒာဘုရား၊ သဗ္ဗညုဘုရားနှင့် ဗူးဘုရားတို့အား ဖူးမြော်ကြည်ညိုခဲ့ကြပြီး၊ ရှေးဟောင်းသုတေသနပြတိုက် (ပုဂံ) သို့ ရောက်ရှိကာ ရှေးဟောင်းဆင်းတုတော်များ၊ ပုဂံရှေးဟောင်းယဉ်ကျေးမှုနယ်မြေ ရှုခင်းများနှင့် မြန်မာ့ရိုးရာသနပ်ခါးသွေးပုံနှင့် ဆံရစ်ဝိုင်းပြုလုပ်ပုံတို့ကို လေ့လာခဲ့ကြကြောင်း သိရသည်။