ကာကွယ်ရေးအသုံးစရိတ်တိုးခွင့် ဂျာမနီလွှတ်တော် အတည်ပြု

ဂျာမနီရဲ့ ကာကွယ်ရေးနဲ့ စစ်ရေးအသုံးစရိတ်ကို ကြီးကြီးမားမား တိုးမြှင့်သုံးစွဲခွင့်ပြုတဲ့ ဥပဒေကို အထက် လွှတ်တော်က မတ်လ ၂၁ ရက်မှာ ထောက်ခံအတည်ပြုလိုက်ပါတယ်။ဒုတိယကမ္ဘာစစ် နောက်ပိုင်း ဂျာမနီရဲ့ ကာကွယ်ရေး အနေအထားဟာ သိသိသာသာ ပြောင်းလဲသွားပြီလို့ ဘာလင် အခြေစိုက်သတင်းတွေကလည်း ဖော်ပြကြပါတယ်။ ကာကွယ်ရေး အသုံးစရိတ်ကို ကန့်သတ်ထားတဲ့အတွက် ဂျာမနီဟာ စစ်အင်အားနဲ့ ကာကွယ်ရေးရင်းနှီးမြှုပ်နှံမှု တွေ တိုးချဲ့ဖို့ သုံးစွဲခွင့်မရှိခဲ့သလို ယူကရိန်းကို ပေးတဲ့ အကူအညီတွေမှာလည်း အကန့်အသတ်တွေ ရှိခဲ့တယ်လို့ ဆိုပါတယ်။