တရုတ်နိုင်ငံဟာ DeepSeek founder လို လူတော်တွေ မွေးထုတ်နိုင်ဖို့အတွက် မြို့တော်ဘေဂျင်းရှိ မူကြိုနဲ့ မူလတန်းကျောင်းတိုင်းမှာ AI သင်ခန်းစာတွေ ထည့်သင်ပြီး AI နည်းပညာကို မျိုးဆက်သစ် ကလေးတိုင်း တတ်မြောက်အောင် သင်ကြားပေးနေပါတယ်။ အသက် ၆ နှစ်အရွယ်ကစပြီး AI ပညာသင်ပေးမယ့် ဒီစီမံကိန်းကို အခုစာသင်နှစ်မှာ စတင်မှာဖြစ်ကာ ပညာသင် နှစ်တိုင်းမှာ အနည်းဆုံး AI သင်ခန်းစာ ၈ နာရီ သင်ရမယ်လို့ ပြဋ္ဌာန်းထားပါတယ်။ ဒီသင်တန်းတွေကနေ AI chatbots နဲ့ တခြား tools တွေ သုံးနည်းကို သင်ပေးသွားမှာဖြစ်သလို AI နည်းပညာဆိုင်ရာ သိသင့်တဲ့ ဗဟုသုတတွေနဲ့ AI ကျင့်ဝတ်တွေလည်း ပါဝင်မယ်လို့ ဆိုပါတယ်။
