မြန်မာနိုင်ငံမှ အိန္ဒိယသို့ မတ်ပဲ လွတ်လပ်စွာ တင်သွင်းခွင့်ကို ၂၀၂၆ မတ်လ ၃၁ ရက်အထိ တစ်နှစ်ထပ်တိုးခြင်း ကို စီးပွားရေးနှင့် ကူးသန်းရောင်းဝယ်ရေးဝန်ကြီးဌာနက အတည်ပြုသည်။ နှစ်နိုင်ငံသံတမန်လမ်းကြောင်းမှ ညှိနှိုင်းမှုအရ ခွင့်ပြုခြင်းဖြစ်ပြီး ပဲစိုက်တောင်သူများ၊ ကုန်သည်များနှင့် စက်မှုလုပ်ငန်းရှင်များအတွက် အကျိုးရှိမည်ဟု ခန့်မှန်းထားသည်။ မြန်မာနိုင်ငံသည် ပဲမျိုးစုံ ထုတ်လုပ်မှုအများဆုံးနိုင်ငံများထဲမှ တစ်ခုဖြစ်ပြီး နှစ်စဉ် ပဲစိုက်ပျိုးသည့် ဧက ၁၀ သန်းကျော်ရှိသည်။
