ပြည်တွင်းသား-ငါး ထုတ်လုပ်မှုဖွံ့ဖြိုးရေးအတွက် ကြိုးပမ်းဆောင်ရွက်မှုများ

စိုက်ပျိုးမွေးမြူရေးနှင့် ဆည်မြောင်းဝန်ကြီးဌာန ဒုတိယဝန်ကြီးသည် မတ် ၁၈ နှင့် ၁၉ ရက်များတွင် တနင်္သာရီနှင့်ရန်ကုန်ရှိ ငါးဖမ်းနှင့် ထုတ်လုပ်မှုလုပ်ငန်းများကို ကြည့်ရှုစစ်ဆေးခဲ့သည်။ တရားမဝင်ငါးဖမ်းမှု တားဆီးရေးနှင့် သယံဇာတထိန်းသိမ်းမှုများကို ဦးတည်ဆောင်ရွက်ကြောင်း သိရှိရသည်။ရန်ကုန်ရှိ C.K FROZEN FOODS YANGON CO., LTD. နှင့် SHWE MYANMAR INVESTMENT AND COMMERCIAL CO., LTD. တို့တွင် ထုတ်လုပ်မှုလုပ်ငန်းစဉ်များကို HACCP, GMP စံချိန်စံညွှန်းနှင့်အညီ ကြည့်ရှုခဲ့ပြီး ပြည်ပသို့တင်ပို့ရေးများအတွက် အရည်အသွေးမြှင့်တင်ရေး ဦးစားပေးဆောင်ရွက်ကြောင်း သိရှိရသည်။ထို့ပြင် အမြန်လမ်း (၂၆) မိုင်ရှိ မွေးမြူရေးဇုန်၌ မျိုးမြှင့်သားစပ်မှုလုပ်ငန်းများကိုလည်း စစ်ဆေးပြီး နွားမွေးမြူရေးစနစ်များနှင့် ရောဂါထိန်းချုပ်ရေးဆိုင်ရာ အကြံပြုချက်များ ပေးအပ်ခဲ့သည်။