မွတ်ဆလင်ဒုက္ခသည်များကို လာမည့် ၂၀၂၆ ခုနှစ်အတွင်း ရခိုင်ပြည်နယ်သို့ ပြန်လည်ပို့ဆောင်သွားမည်ဟု ဘင်္ဂလားဒေ့ရှ်အစိုးရအဖွဲ့ အကြီးအကဲ မိုဟာမက်ယူနွတ်၏ ပြောကြားမှုသည် လက်တွေ့တွင် မဖြစ်နိုင်ကြောင်း နိုင်ငံရေးလေ့လာသုံးသပ်သူများက ပြောသည်။မွတ်ဆလင် ဒုက္ခသည်များအနေဖြင့် လာမည့်နှစ် ရမဒန်ဥပုသ်လ ပွဲတော်အတွင်း ရခိုင်ပြည်နယ်က နေရပ်များ၌ ကျင်းပနိုင်ရေး ကြိုးပမ်းသွားမည်ဟု မတ်လ ၁၄ ရက်က ဘင်္ဂလားဒေ့ရှ်နိုင်ငံရှိ ကော့ဘဇားဒုက္ခသည်စခန်းသို့ ကုလသမဂ္ဂအထွေထွေ အတွင်းရေးမှူးချုပ် ဂူတာရက်စ်နှင့်အတူ သွားရောက်ချိန်တွင် ယူနွတ်က ပြောကြားခဲ့ခြင်း ဖြစ်သည်။
