ယနေ့ ၂၀၂၅ခုနှစ် မတ်လ(၁၉)ရက်နေ့ နံနက်ပိုင်းက ရှမ်းပြည်နယ်အရှေ့ပိုင်း၊ တာချီလိတ်မြို့တွင် ညပိုင်းက မိုးရွာသွန်းထားမှုကြောင့် မကာဟိုခမ်းရပ်ကွက်ရှိ ကိုးမြို့ရှင်နတ်နန်း ( အဘကိုးမြို့ရှင် (ပင်မ) ဗိမာန်တော်ကြီး)အတွင်းရှိ သစ်ပင်မှ သစ်ကိုင်းကျိုးကျမှုကြောင့် လူ(၃)ဦး ထိခိုက်ဒဏ်ရာ အနည်းငယ်ရရှိခဲ့ကြောင်း သိရသည်။သစ်ကိုင်းကျိုးကျမှုကြောင့် အသက်(၅၀)ကျော် ဒေါ်ပါနွန်းဆိုသူမှာ ထိခိုက်မိကာ ခေတ္တ သတိလစ်သွားခဲ့ကြောင်းနှင့် အမျိုးသမီးနောက်ထပ် တစ်ဦးနှင့် ကလေးငယ်တစ်ဦးလည်း ပွန်းပဲ့ဒဏ်ရာ အနည်းငယ်ရရှိသည်ဟု သိရသည်။
