ရန်ကုန်တိုင်းဒေသကြီးဘောလုံးအဖွဲ့ချုပ်သည် လာမည့် ၂၀၂၅-၂၀၂၆ ဘောလုံးရာသီအတွက် Solution IV Hydration & Wellness Center နှင့် Co-Sponsorship (၁) နှစ်စာချုပ် ချုပ်ဆိုခဲ့ပါတယ်။အဆိုပါစာချုပ်ချုပ်ဆိုပွဲ အခမ်းအနားကို မတ်လ ၁၇ ရက်က ရန်ကုန်မြို့၊ ကမာရွတ်မြို့နယ်၊ ပြည်လမ်းရှိ ရန်ကုန်တိုင်းဒေသကြီးဘောလုံးအဖွဲ့ချုပ်ရုံးတွင် ကျင်းပခဲ့ပြီး ရန်ကုန်တိုင်းဘောလုံးအဖွဲ့ချုပ် အကြီးတန်းဒုတိယဥက္ကဌ ဦးချစ်ကိုကို နှင့် Solution IV Hydration & Wellness Center ၏ Managing Director ဒေါ်ရည်မွန်ကြည် တို့ CoSponsorship စာချုပ် လက်မှတ်ရေးထိုးခဲ့ကြပြီးSolution IV Hydration & Wellness Center အနေဖြင့် ၂ဝ၂၅-၂၀၂၆ ဘောလုံးရာသီအတွင်း ရန်ကုန်တိုင်းဒေသကြီးဘောလုံးအဖွဲ့ချုပ် မှ ကြီးမှူးကျင်းပမည့် ပြိုင်ပွဲများနှင့် ရန်ကုန်တိုင်းဘောလုံးအဖွဲ့ချုပ် မှ ဖွဲ့စည်းထားသည့် YRFC အမျိုးသားဘောလုံးအသင်းနှင့် အမျိုးသမီးဘောလုံးအသင်းတို့အား ပံ့ပိုးကူညီသွားမည်ဖြစ်ပါတယ်။
