တရုတ်သို့ပြည်တွင်းမှသစ်သီးများတင်ပို့ရာတွင်ပါကင်ထုပ်ပိုးပြီးမှသာတင်ပို့ခွင့်ရမည်

ယခင်က တရုတ်နိုင်ငံသို့ သစ်သီးများတင်ပို့ရာတွင် သစ်သီးများကို 1box/Truck စနစ်ဖြင့် တင်ပို့ခွင့်ပြုခဲ့သော်လည်းလာမည့် ဧပြီလ ၁ ရက်မှစတင်၍ တရုတ်နိုင်ငံသို့ သစ်သီးများတင်ပို့ရာတွင်ပါကင် ထုပ်ပိုးပြီးမှသာ တင်ပို့နိုင်တော့မည်ဟု တရုတ်နိုင်ငံ (တာ‌လော့)အကောက်ခွန်ဌာနက ယနေ့ထုတ်ပြန်လိုက်ကြောင်း သိရသည်။သို့ဖြစ်ရာ ဧပြီလ ၁ ရက်မှစတင်၍ တရုတ်နိုင်ငံသို့ သစ်သီးများတင်ပို့ရာတွင် လုံးချင်း (သို့မဟုတ်) တစ်စုချင်းထုပ်ပိုးမှု ပါကင် စနစ်ဖြင့်သာ တင်ပို့နိုင်တော့မည်ဖြစ်ကြောင်း သိရသည်။