ပြည်တွင်း၌ ၂၀၂၅ခုနှစ်တက္ကသိုလ်ဝင်စာမေးပွဲ မြန်မာစာနေ့မှာ တစ်နိုင်ငံလုံးအတိုင်းအတာစာမေးပွဲဖြေဆိုဖို့စာရင်းရှိတဲ့ ကျောင်းသား၊ ကျောင်းသူဦးရေ(၂၂၀,၈၄၃)ဦးအနက် လာရောက်ဖြေဆိုသူ(၂၀၈၈၈၉)ဦးရှိခဲ့တယ်လို့ ပညာရေးဝန်ကြီး ဌာနရဲ့ထုတ်ပြန်ချက်အရ သိရပါတယ်။တိုင်းနဲ့ ပြည်နယ်အလိုက် ခရိုင်၊ မြို့နယ်၊ စာစစ်ဌာန၊ နိုင်ငံခြားစာစစ်ဌာနတို့မှာ ဖြေဆိုသူစာရင်းသွင်းအရေအတွက်မှာ စာစစ်ဌာနပေါင်း (၈၁၇)ဌာနမှာ ဖြေဆိုခဲ့တာဖြစ်ပြီး ပျက်ကွက်သူ(၁၁၉၅၄)ဦးရှိခဲ့ပါတယ်။၂၀၂၅ ခုနှစ် တက္ကသိုလ်ဝင်စာမေးပွဲဖြေဆိုတဲ့ ကျောင်းသား ကျောင်းသူတွေဟာ မတ် ၁၇ ရက်မှာ မြန်မာစာ၊ မတ် ၁၈ ရက်မှာ အင်္ဂလိပ်စာ၊ မတ် ၁၉ ရက်မှာ သင်္ချာ၊ မတ် ၂၀ ရက်မှာ ဓာတုဗေဒ/ ပထဝီ၊ မတ် ၂၁ ရက်မှာ ရူပဗေဒ/သမိုင်းနှင့် မတ်လ ၂၂ ရက် မှာ ဇီဝဗေဒ/ဘောဂဗေဒ ဘာသာရပ်တို့ကို ဖြေဆိုသွားမှာဖြစ်ပါတယ်။
