ပဲခူးတိုင်းအနောက်ခြမ်း ပန်းတောင်းမြို့နယ်မှ ပျောက်ဆုံးနေသည့်အမျိုးသားတဦးကို ငါးမွေးကန်အတွင်း သေဆုံးလျှက်ပြန်တွေ့ရကြောင်း ဒေသခံတဦးထံက သိရသည်။သေဆုံးသူကို ပန်းတောင်းမြို့နယ် နတ်မောက်အုပ်စု ရေဝင်ကျေးရွာအနီး စိမ်းညိုမြ ထမင်းဆိုင်၏ နောက်ဘက်ကပ်လျက်ရှိ ပေ ၂၀၀ ပတ်လည်ခန့် ငါးမွေးမြူရေးကန်အတွင်း၌ မတ်လ ၁၅ ရက် ယမန်နေ့ နံနက် ၉ နာရီခန့်က တွေ့ရှိခဲ့ခြင်း ဖြစ်သည်။အလောင်းကို ပန်းတောင်းမြို့နယ် ဆေးရုံရင်ခွဲရုံတွင် စစ်ဆေးပြီး ပန်းတောင်းရဲစခန်းက သေမှုသေခင်းဖွင့်လှစ်ထားကြောင်း သိရပါသည်။
