ရခိုင်ပြည်နယ် ဝန်ကြီးချုပ်နှင့် ဌာနဆိုင်ရာ တာဝန်ရှိသူများသည် ယနေ့တွင် စစ်တွေမြို့ပေါ်ရှိ ၂၀၂၅ ခုနှစ် တက္ကသိုလ်ဝင်စာမေးပွဲ စစ်ဆေးမည့် စာစစ်ဌာနကျောင်းများ၌ စုပေါင်းသန့်ရှင်းရေး ဆောင်ရွက်နေမှုကို ကြည့်ရှုအားပေးခဲ့ပြီး၊ အမှတ်(၄)အခြေခံပညာအထက်တန်းကျောင်း၊ အမှတ်(၂)အခြေခံပညာအထက်တန်းကျောင်း၊ အမှတ်(၁၀)အခြေခံပညာအထက်တန်းကျောင်းတို့၌ စုပေါင်းသန့်ရှင်းရေးဆောင်ရွက်နေမှုကို ကြည့်ရှုအားပေးကာ၊ တက္ကသိုလ်ဝင်စာမေးပွဲ ဖြေဆိုနိုင်ရန် စာသင်ခန်းများ စီစဉ်ဆောင်ရွက်ထားမှုတို့ကို လှည့်လည်ကြည့်ရှုစစ်ဆေးခဲ့ပြီး၊ ဝေသာလီအားကစားကွင်းအနီးရှိ ဖူဆယ်အားကစားကွင်းနှင့် ရေကူးကန်သို့ သွားရောက်ကြည့်ရှုကာ နွေရာသီအားလပ်ရက်များတွင် ကျောင်းသားကျောင်းသူများ လာရောက်ကစားနိုင်ရန်အတွက် အားကစားကွင်းသန့်ရှင်းသာယာရေး ဆောင်ရွက်ကြရန် မှာကြားခဲ့ကြောင်း သိရသည်။
