နေပြည်တော်ရှိ စက်မှုဝန်ကြီးဌာနရုံးတွင် မတ် ၁၅ ရက်က ၂၀၂၄-၂၀၂၅ ပညာသင်နှစ် တက္ကသိုလ်ဝင်စာမေးပွဲ ဝင်ရောက်ဖြေဆိုမည့် ဝန်ထမ်းသားသမီးများအား ချီးမြှင့်ငွေပေးအပ်ပွဲ ကျင်းပခဲ့ရာ ပြည်ထောင်စုဝန်ကြီး နှင့် တာဝန်ရှိသူများ တက်ရောက်ကာ၊ အမှတ် (၁) သံမဏိစက်ရုံ (မြင်းခြံ)၊ အမှတ် (၂) သံမဏိစက်ရုံ (ပင်းပက်)နှင့် စက်မှုသင်တန်းကျောင်းတို့မှ ဝင်ရောက်ဖြေဆိုမည့် ကျောင်းသားကျောင်းသူ ၃၂၄ ဦးအတွက် ချီးမြှင့်ငွေများ ပေးအပ်ခဲ့ကြောင်း၊ ထို့အပြင် ၂၀၂၅-၂၀၂၆ ဘဏ္ဍာနှစ်အတွက် လုပ်ငန်းစီမံချက်များ၊ သံရည်ကျိုလုပ်ငန်းများ၊ စက်အရံပစ္စည်းနှင့် ကုန်ကြမ်းများ ကြိုတင်ဝယ်ယူဖြည့်တင်းထားရန်တို့ကိုလည်း ဆွေးနွေးခဲ့ကြောင်း သိရသည်။
