မှော်ဘီနှင့်မဟာအောင်မြေမြို့နယ်တို့ရှိ သံဃာတော်များနှင့် ဒေသခံပြည်သူများအား ကျန်းမာရေးစောင့်ရှောက်မှုလုပ်ငန်းများ ဆောင်ရွက်

မတ် ၁၅ ရက်နေ့တွင် ရန်ကုန်တိုင်းဒေသကြီး၊ မှော်ဘီမြို့နယ်နှင့် မန္တလေးတိုင်းဒေသကြီး၊ မဟာအောင်မြေမြို့နယ်တို့ရှိ သံဃာတော်များနှင့် ဒေသခံပြည်သူများအား ရန်ကုန်တိုင်းစစ်ဌာနချုပ်နှင့် အလယ်ပိုင်းတိုင်းစစ်ဌာနချုပ်တို့မှ နယ်လှည့်ဆေးကုသရေးအဖွဲ့များက ကံကလေးကျောင်းတိုက်နှင့် ရန်မျိုးလုံပေါ်တော်မူဘုရားဓမ္မာရုံတို့တွင် အရိုးအကြော၊ ခွဲစိတ်ကုသမှု၊ ကလေး၊ မျက်စိ၊ နား/နှာခေါင်း/လည်ချောင်း၊ သွားနှင့်ခံတွင်း၊ သားဖွားမီးယပ်၊ အထွေထွေရောဂါများအပြင် သွေးတိုး၊ ဆီးချို၊ အဆစ်အမြစ်ရောင်ရောဂါ၊ အသက်ရှူလမ်းကြောင်းဆိုင်ရာရောဂါများအတွက် ကျန်းမာရေးစောင့်ရှောက်မှုလုပ်ငန်းများ ဆောင်ရွက်ပေးခဲ့ပြီး လိုအပ်သူများအား ဆေးရုံသို့ပို့ဆောင်ပေးခဲ့ကြောင်း သိရသည်။