ယနေ့(မတ် ၁၂ရက်)တွင် ကိုရီးယား-မြန်မာချစ်ကြည်ရေးတံတားဟုလူသိများသော ရန်ကုန်-ဒလဆက်သွယ်ထားသည့် ဒလတံတားနှင့် မလွတ်ကင်း၍ဟုဆိုကာ ၃၅ နှစ်ကျော်သက်တမ်းရှိပြီဖြစ်သော ဒလမြို့လယ်ခေါင်၊ ကမာကဆစ်ဈေးအနီးရှိ နာရီစင်ကို ဖြိုချလိုက်ကြောင်း မြို့ခံများထံမှ စုံစမ်း သိရှိရသည်။ထိုသို့နာရီစင်ဟောင်းဖျက်ချခံလိုက်ရခြင်းအပေါ် မြို့ခံအချို့က နှမြောတသဖြစ်နေပြီး ရှေးဟောင်းအမွေအနှစ်တစ်ခု ဆုံးရှုံးလိုက်ရခြင်းဖြစ်ကြောင်း ဝေဖန်ပြောဆိုနေကြသည်။
