မကွေးတိုင်းဒေသကြီး၊ မင်းဘူး(စကု)မြို့နယ်ရှိရွှေစက်တော် ဘုရားပွဲတွင် မန်းချောင်း အပန်းဖြေ ဆင်စခန်းမှ ဆင်များစီးပြီး တောတောင် စိမ့်စမ်းနှင့် သဘာဝအလှအပတရားများကို ကြည့်ရှုခံစားနိုင်ကြ ကြောင်း မင်းဘူးမြို့ သစ်ထုတ်ရေးဒေသမှ သိရသည်။ရွှေစက်တော်မန်းချောင်း အပန်းဖြေဆင်စခန်းမှာ ရွှေစက်တော်ဘုရားမှ နှစ်မိုင်သာဝေးကွာတာကြောင့် စက်တော်ရာ ပါဒခြေတော်ရာနှစ်ဆူကို ဖူးပြီးပါက ဆင်စခန်းသို့လာကာ ဆင်များစီးပြီး မန်းချောင်း တစ်လျှောက်ရှိလှပပြီး၊ အေးချမ်းလှသည့် တောတောင်ရေမြေနှင့် သဘာဝအလှ အပတရားများကို ကြည့်ရှု ခံစားလိုပါက မကွေးတိုင်းဒေသကြီး မင်းဘူး(စကု)မြို့နယ်မှ ရွှေစက်တော်မန်းချောင်း အပန်းဖြေဆင်စခန်း သို့ လှမ်းလာခဲ့ဖို့ ဖိတ်ခေါ်လိုက်ရပါတော့သည်။
