ရန်ကုန်တိုင်းဒေသကြီးအတွင်းက ဒဂုံမြို့နယ်၊ စမ်းချောင်းမြို့နယ်၊ ကမာရွတ်မြို့နယ်၊ လှိုင်သာယာမြို့နယ်တွေမှာ မတ်လ၉ရက် မွန်းလွဲပိုင်းက ရုတ်တရက်လေပြင်းတွေတိုက်ခတ်ပြီး မိုးရွာခဲ့တယ်လို့ ဒေသခံတွေရဲ့ပြောကြားချက်အရ သိရပါသည်။မိုးလေဝသနှင့် ဇလဗေဒညွှန်ကြားမှုဦးစီးဌာနရဲ့ မတ်လ(၉)ရက်၊ညနေ(၄)နာရီအချိန် ထုတ်ပြန်ချက်မှာ နောက်နှစ်ရက်အတွက်ခန့်မှန်းချက်အရ ရန်ကုန်တိုင်းဒေသကြီး၊ ပဲခူးတိုင်းဒေသကြီး၊ စစ်ကိုင်းတိုင်းဒေသကြီးအထက်ပိုင်း၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ကရင်ပြည်နယ်၊ မွန်ပြည်နယ်နဲ့ ရှမ်းပြည်နယ်(အရှေ့ပိုင်း)တွေမှာ နေရာကွက်ကျားမှ နေရာကျဲကျဲ မိုးရွာနိုင်တယ်လို့ ဖော်ပြထားပါတယ်။
