ဂန့်ဂေါမြို့၌ တက္ကသိုလ်ဝင်စာမေးပွဲဖြေဆိုမည့် ကျောင်းသား ကျောင်းသူများအား ကျန်းမာရေး စစ်ဆေးကုသ

မတ်လ ၇ရက်တွင်မကွေးတိုင်းဒေသကြီး ဂန့်ဂေါမြို့၌ ခရိုင်ပြည်သူ့ကျန်းမာရေးနှင့် ကုသရေးဦးစီးဌာနက မတ် ၁၇ ရက်တွင် တက္ကသိုလ်ဝင်စာမေးပွဲ စတင်ဖြေဆိုမည့် ကျောင်းသား ကျောင်းသူများအား ကျန်းမာရေးစစ်ဆေးခြင်းနှင့် ဆေးကုသမှုဆောင်ရွက်ပေးခြင်းများကို မတ်လ၇ရက်နံနက် ၉ နာရီက အ.ထ.က (မြို့မ) နှင့် အ.ထ.က (ဂန့်ဂေါ) တို့တွင် ကွင်းဆင်းကုသဆောင်ရွက်ပေးခဲ့ပြီး ခရိုင်ပြည်သူ့ကျန်းမာရေးနှင့် ကုသရေးဦးစီးဌာနမှ တက္ကသိုလ်ဝင်စာမေးပွဲဖြေဆိုမည့် ကျောင်းသား ကျောင်းသူများအား အမည်စာရင်းရေးသွင်းပြီး သွေးပေါင်ချိန်တိုင်းတာပေးခြင်း၊ ကျန်းမာရေးစစ်ဆေးပေးခြင်းနှင့် လိုအပ်သည့်ဆေးဝါးများအား အခမဲ့ပေးဝေခြင်းများကို ဆောင်ရွက်ပေးခဲ့ပြီးတက္ကသိုလ်ဝင်စာမေးပွဲဖြေဆိုကြမည့် အ.ထ.က (မြို့မ) မှ ကျောင်းသား ကျောင်းသူ ၂၀၊ အ.ထ.က (ဂန့်ဂေါ) မှ ကျောင်းသား ကျောင်းသူ ၈၀ စုစုပေါင်း ၁၀၀ တို့ကို ကျန်းမာရေးစောင့်ရှောက်မှုလုပ်ငန်းများ ပြုလုပ်ခဲ့ပါတယ်။