မြန်မာဖိုက်တာ သက်ပိုင်အောင်ကို အလဲထိုးပြပြီး တာနစ်ဆု ဘောနပ်စ် ထပ်ယူ

ယနေ့ည၌ ကျင်းပခဲ့သော ONE Friday Fights 99 ပြိုင်ပွဲကြီး၏စတုတ္ထမြောက်ပွဲစဉ်အဖြစ် ယှဉ်ပြိုင်ခဲ့ရသော မြန်မာဖိုက်တာ သက်ပိုင်အောင်နှင့် ဂျပန်ဖိုက်တာ တာနစ်ဆုတို့၏ပွဲစဉ်တွင် တာနစ်ဆုက ဒုတိယပွဲချီ၌ အလဲထိုးဖြင့် အနိုင်ယူသွားခဲ့သည်။သက်ပိုင်အောင်သည် ဆိုင်ထိုးပြိုင်ထိုး၊ မာဂုဏ်ဟူသော ရိုးရာအခြေခံဖြင့်သာ ပွဲထွက်လာခဲ့ပြီး Game Plan ကောင်းမွန်ခဲ့သော တာနစ်ဆု က အဆုံးအဖြတ်အချိန်များတွင် သက်ပိုင်အောင်ကို အသာစီးကထိုး၍ ပွဲကို စိတ်ကြိုက်ထိန်းချုပ်ပြသွားခဲ့သည်။ဒုတိယပွဲချီ ၂ မိနစ်ကျော်လွန်ချိန်တွင် တာနစ်ဆု၏ခြေကန်ချက်နှင့် လက်သီးချက်များ ထိမှန်ကာ သက်ပိုင်အောင်က Knock Down ကျသွားခဲ့ပြီး ပွဲဆက်ထိုးချိန်တွင်လည်း သက်ပိုင်အောင်က ဟန်ချက်ပျက်နေသည့်အတွက် တာနစ်ဆုက အသာစီးသို့ ရောက်သွားခဲ့ကာ ဒုတိယပွဲချီ ၂ မိနစ်နှင့် ၂၇ စက္ကန့်သို့အရောက်၌ တာနစ်ဆုက အလဲထိုးဖြင့် ပွဲဖြတ်သွားနိုင်ခဲ့သည်။