ဧရာဝတီတိုင်းဒေသကြီး ဟင်္သာတခရိုင် ပြည်သူ့ကျန်းမာရေးဦးစီးဌာနဦးဆောင်ပြီး မြန်မာ့သနပ်ခါးနေ့ လှုပ်ရှားမှုအခမ်းအနားကို မတ် ၄ ရက် မွန်းလွဲပိုင်းက အဆိုပါဦးစီးဌာန အစည်းအဝေးခန်းမ၌ ပြုလုပ်ခဲ့ရာ ခရိုင်ပြည်သူ့ကျန်းမာရေးဦးစီးဌာနမှူးက မြန်မာ့သနပ်ခါးနေ့ လှုပ်ရှားမှုဆောင်ရွက်ရခြင်း ရည်ရွယ်ချက်ကို ရှင်းလင်းပြောကြားပြီး ခရိုင်တိုင်းရင်းဆေးမှူး ဦးစိုးလင်းက ဆေးဖက်ဝင်သနပ်ခါးအကြောင်းကို ရှင်းလင်းပြောကြားခဲ့ကြောင်း၊ ထို့နောက် ခရိုင်ပြည်သူ့ကျန်းမာရေးဦးစီးဌာနမှူးဦးဆောင်သော ခရိုင်နှင့်မြို့နယ် တာဝန်ရှိသူများက အခမ်းအနားသို့ တက်ရောက်လာသူများအား မြန်မာ့သနပ်ခါးနေ့ လှုပ်ရှားမှုအဖြစ် သနပ်ခါးများကို အပြန်အလှန် ပျော်ရွှင်စွာ သွေးလိမ်းခဲ့ကြကြောင်း သိရသည်။
