MPT သည် နိုင်ငံတစ်ဝန်းရှိ ပညာရေးနှင့် ပတ်သက်ပြီး အခွင့်အရေးနည်းပါးသော လူငယ်များအတွက် ဆောင်ရွက်ထားသည့် အခမဲ့အွန်လိုင်းပညာရေးတစ်ခုဖြစ်သည့် CSR အီလက်ထရွန်းနစ်နည်းပညာသုံး ပညာရေးပလက်ဖောင်းအစီအစဉ် (MPT ၏ CSR E-Learning အစီအစဉ်) ကို ဆက်လက်တိုးချဲ့ဆောင်ရွက်လျက်ရှိပါသည်။ ပိုမိုကောင်းမွန်သည့် အခွင့်အလမ်းများပေးအပ်ရန်အတွက် မိတ်ဖက်အဖွဲ့အစည်းအသစ် (၃) ခုကို မိတ်ဆက်လိုက်ပါသည်။ MPT ၏ CSR E- Learning အစီအစဉ်တွင် ထပ်မံတိုးချဲ့ပေးအပ်ထားသည့် သင်ခန်းစာများမှာ အလှအပရေးရာအတွက် Katy (KT)– KANEBO Global မှ မိတ်ကပ်ပညာရှင်တစ်ဦးဖြစ်ပြီး ကိုယ်တိုင်မိတ်ကပ်လိမ်းခြယ်နည်း၊ ကိုယ်ရည်ကိုယ်သွေး မြှင့်တင်ခြင်းနှင့် အသားအရေ ထိန်းသိမ်းမှုနည်းလမ်းများပါဝင်သည့် သင်ခန်းစာ (၁၀) ခုကို ပေးအပ်ထားပါသည်။ ဒေါ်သန်းသန်းနိုင် (တရုတ် ဘာသာစကား ဆရာမ)- တရုတ်စာသင်ကြားမှုအတွေ့အကြုံ (၁၇) နှစ်ကျော် ရှိပြီး တရုတ်ဘာသာစကား အခြေခံသင်ခန်းစာ (၂၅) ခုကို ပေးအပ်ထားပါသည်။ ပုရပိုက် မီဒီယာ လီမိတက်- ပညာရေးနည်းပညာဝန်ဆောင်မှုပေးသည့် ထိပ်တန်းကုမ္ပဏီတစ်ခုဖြစ်ပြီး “ဒေတာခွဲခြမ်းစိတ်ဖြာခြင်းဆိုင်ရာ” သင်ခန်းစာနှင့် ကြီးကြပ်ရေးကျွမ်းကျင်မှုများအတွက် အခြေခံ သင်ခန်းစာများကို ပေးအပ်ထားပါသည်။
